Penulisan Surat Nikah Gereja

TATA IBADAH MINGGU I ( Versi Bahasa Biak)

  

                          

                          SAMSON MINGGU BEPON

                                        ( Minggu I )

1. WOS RAK – RAK :
        “ Kuker snon – snon ro Kmaya, Rumgun ya, ma Rurbesren ya ” Amin.

2. WOS FARKAKWAI :
        “ Ibyekada saswarma babye, ro Allah Kma kobedi,
        ryamuma be mgo, ro Mansren Yesus Kristus “

3. DOUW SANANDIK MAZMUR/NY. ROH :

4. SASOSER MANSREN        (Jemaat Sores)
        Fadwer sasoser samfur, kawos iknampu radine :
        Waswar Yahwe Mansern bedi, ro snembri besiper,
        ma ro Rur bedi besiper, ma ro kar kara bena besiper.
        “ Ine sasoser bepon ma bebaya irya. Sasoser bebe suruya iba
        imnis sasoser beponya, ryok radine : “ Waswar min beja, 
        raris mob waswar manggundau raya “. 
        Sasoser ansuine sube knam ro Refo Yahudi ma syap ro Nabi – nabi  

        sya kam                                                                                                

                                                                                (Jemaat Skain Kaber)

5. KORUN KOSNESNA MA KOKARM SASAR KOBENA :
        “ Korun kosnesna ro barpon Mansren Yahwe, ma kokarm sasar kobena kuker 
        nap napes “ 
        Mansei beyobe syasar ba ido, bye angar manggundi, ma kakakuya isya faro iba. 
        Imbape mansei bebaryas sasar byenaido. Yahwe fyasnai saswar Byeja faroi, 
        isof byuk mafro barbor byena ma fyasren iro sasar bebor byena.

6. KOBENADI :
        “ Syeee, Mansren, nggoine snonggaku bebarbor Au kada wanapes ro 
        bondi bur Au, ngo-kenemro sasar yadori. Nggobesasar ro swaruser, 
        awawos, ma fararur inggobena. Nyaki sasar nane nfan fanfon isof nabor rape. 
        Nggofafko snar nggosambrab fa nggoyau sasar an naneba. Irya wasnef’r inggo 
        besya kwar.” A m i n 

7. DOUW SANANDIK MAZMUR/NY. ROH :

8. BARARYAS SASAR :
Naek ma srar mgo mnaf nabye ananun ro Yesus Kristus faro snonggaku 

        bekar’m sasar sena kuker nanp napes. Yesus ikofen : Mansei befrar yob 

        Ayaido, yapok yapam pum ibur Aya baberi

9. DOUW SANANDIK MAZMUR/NY. ROH :

10. KAKYAR KRISTEN :
Ro babe oser kuker Gereja Mansren, ro fafisu nakam ma ro mob nakam, 
kokar’m kakyar koben. Oser – oser kyar’m kakyar beja radine :
“ Yakyar faro Yahwe, Kma bepoik syadi, beyau Nanggi ma dunia. 
Yakyar faro Yesus Kristus, Sami manjos Byedi, Mansren kobedi, 
kuker sambrab Rur besren, Inggbor Maria fyadores ma dabni imboi 
ro fyor Pontius Pilatus ikif babe sasoser ya, spai Iro aprop, 
imar, sikram,I dadube mun soroka, ro ras bebekyor ikbokro fandu bemar sya, 
dek be Nanggi, kyainro bar raku Yahwe, Kma bena papoik ya ma nari raso 

        ryama wer, insa kyara asuser kawasa bekenem ma bemar sya. Yakyar Rur 

        besren ya, yakyar babe oser, isya fandu kawasa besren sya, yakyar mafro

        sasarna. Yakyar abiber faro kraf saprop ya. Yakyar kangkenem bemnaiba

         isof fyoro – fyoro. A m i n.     

11. DOUW SANANDIK MAZMUR/NY. ROH :

12. NADI BABEWASYA RO REFO :
Kowasya ro syap …. Isof ro dine wawasya kobedi
“  Aski faro mansei ma insei bemnaf Mansren wos ya, 
ma beyardu iro kanggenem byedi. Haleluya 3X

13. ANUN FARSARSER :
Kodisen ro Dou…. Fafisu kodisen, kobuk farsarser kobena faro Mansren fararur 

        byedi. Mansren iswar kawasa bebuk farsarser kuker snewar besiper.

14. NADI FARSARSER :
Kma inggobedi Mansren Nanggi, Nggofanam Au ro fafisu ine, kuker farsarser 

        inggobenane. Imnis nggosmai naro Au, rarirya kako nggower nggobuk ker mgun 

        faro Au, raris saswar Bena. Ibyekada Mansren be bokna, insa nafrur raryeun 

        fararur Beja ro fandu snonggaku, ma nun syom sandik faro Au kada. Amin     

15. FAYA REFO :

16. NADI SWARUSER / NADI BEBA :
Kma inggobedi ro Nanggi yaswa Nggofasren snon-snon Bedi, babe sasoser 

        Bedi ryamuma, fasnai marin Bedi ro Nanggi. Rarirya kako faro sup swan ine.
Buk be inggo ro ras ine, nanan bemawes, ma fasren inggoro sasar inggo bena.
Imnis nggokako nggofakman befrur sasar maro inggo kwar sya, wun inggobur 

        faraw rowes, imboi faspar inggobur  barbor na, snar Au so Bena babe 

        sasoser ya,papoikya, ma nasan bekain ro fioro isof fioro bis. Amin         

17. DOUW SANANDIK : MAZ / Ny ROH 

18. NADI PAPUPES :
Kosmai Bok Ro Mansren, Ma Kobur Be Rum Kobena Kuker Aski.
Saswar Ro Mansren Yesus Kristus, faka maman Yahwe Ma fanab nobek Ro 

        Rurbesren Ya, Kyonso Naek Ma Srar, 

        Randak Ro Kur Ine Isof Fyoro – Fyoro. Amin

KIDUNG JEMAAT NO 368 ( Pada Kaki Salib Mu )

       KIDUNG JEMAAT NO 368
      

       RO WEMIN APROP BEDI
          ( Pada Kaki Salib Mu )

1. Ro Wemin Aprop Bedi. Yesus         Manfadiren

     War Kenem Ro Golgota.          

      Bebuk Kenem Bebye

Reef : Ro Aprop - Ro Aprop
           Yasandik Au Monda
           Nari Ro Nanggi Dori
           Yasmai Mananaisu

2. Ro Wemin Aprop Bedi. Yasmai       Saswar Bedi
     Sonai Dorek Mak Meser. Be     

     Buk Isnai babo

3. Ro Wemin Aprop Bedi. Yaswar      Marmar Bedi
    Ro Maran Kenem Yedi. Yaswar      Far Na Rawo

4. Ro Wemin Aprop Bedi, Kakyar       Yedi Iko

    Isof Ro Nanggi Dori, Rur Yedi        Ryab Kaku

   

  

NYANYIAN ROHANI NO 117 ( RO BON MA WANDOUW )

                   NYANYIAN ROHANI NO 117

  RO BON MA WANDOUW
                        ( Di Gunung dan Di Lembah )  

1. Ro Bon Ma Wandouw Kaim
    Mob Kaim Allah Isya 
    Ro Soren Ma Ro Kapal
    Allah Isya Kako
    Yausya Swaruser Nadi
    Allah Imnaf Aya
    Ro Sup Ma Mob Bekaki
    Mob Kam Allah Isya

2. Mamkam Fanam Kaku 
    Oso Ikyar Poik Byeda
    Allah Kyadireni
    Imnaf Be Arumgunsi
    Fyan Iyen Rumum Man
    Ibuk Sur Ro Kaker Ai
    Iryur Sup Nakam

KIDUNG JEMAAT NO 26 BAHASA BIAK

                          KIDUNG JEMAAT NO 26

                  WASNEFER RWOWER NADI AYENA

                        ( Mampirlah Dengar Doa Ku ) 

1.  Wasnefer Rwo'r Nadi Yena
     Yesus Manfaspar 
     Snonkaku Bese Wasnefer
     Wambrain Pdef Awer

     Reef : Yesus Man-sren

        Rwo'r Nadi Yena

          Snon Kaku Bese Wasnefer

        Wambrain Pdef Awer

2. Ro Barpon Kain-kain Sren Beja

    Yakunem Yasyom 

    Yakunem Ro Do Fafafko

    Wafnobek Aya

3.  Au Monda Afyaker Yedi

    Snar Marmar Bedi 

    Saneri Ryora I Dawer

    Wabuk Pararei

4. Au Bebe Knam Sanei Beprei 

    Ma Knam Kankenem 

    Ibye Ro Sup Swan Ma Nangi

    Oso 'mnis Au Ba.

NYANYIAN ROHANI NO. 80 DALAM BAHASA BIAK

       YESUS WAFARKIN

           (Ny.Rohani.80)

1.  Yesus wafarkin be menu beba, masa pon maran nggo bedi, ma nggo 

      mbran ro bar pur Bedi. Buk anggyon kakyar ro fyor marandan.

2.  Buk maro inggo kakyar bekaku, waswar inggo ro marindi maro fyor

     awau nggo bena. Ro nyan bepampan buk isnai Bedi.

3.  Kandera sneso fandu manibob, nggobar pdef marbak kandera, 

     snar yer monda saswar bedi. Buk sneprei be nggo snar ro faraurowes.

4.  Fakman inggo pdef ro isnai ma rob, marandan kuker bararyam

     Isof ro marandan bebye – nggorandum faro rum fyoro Bedi.

NYANYIAN ROHANI NO. 77 DALAM BAHASA BIAK

 YAKYAR KAKU ALLAH MAMI

              (Ny. Roh 77)

1. Yakyar kaku Allah Mami, bebe knam papoik nakam

    Be yau kwar Nanggi ma sup swan, roi fa manggor bye nakam

    Rodo saswar byeja monda. Yarir kakyar yena kam,

    Snar Mami Iso befawi ras kan kenem ayena.

2. Yakyar faro Yesus Kristus, sami Manjos Manseren

    Babe knam manfarkin be mgo, snonggaku ma Manseren

    Berama besmai kandera. Be doi be mun soroka,

    Ikbok rar yas dek be Nanggi, Ikif Nasan Sasoser.

3. Yakyar ma yor samsom kaku, faro Au rur saranden.

    Be yar warek babe oser, be karwar ma be kenem

    Wayau fawawi dunia na. Rur anggarkar rar momen’

    Imboi sworur babe oser kuker kakyar bekaku.

4. Sanandik syom babe syowi, faro Au Mansren yedi

    Yamnaf kwar wos saswar Bedi, Ifrur raryab rur yedi

    Yamam kwar fasasnai nabor,  nbadir syowi ma saswar

    Amin! Rur yedi wakofen; Amin kaku wos besren.

MENULIS INDAH DOA BAPA KAMI DALAM BAHASA INGGRIS

 

Penulisan Surat Baptis